184

> Waqt fisalta hai ret ki tarah,
Hum bas use sambhalna bhul jate hain,
Kuchh log bahut khas hote hain,
Hum bas batana bhul jate hain.

> Door hai aapse ye ehsas rakhna,
Magar Naron se door sahi dil ke pas rakhna,
Hum nahi kahte ki har dam sath rakhna,
Lekin jaha bhi raho bas hume yaad rakhna.

> Sham ki shama me ek tasveer nazar ati hai,
Tab in hotho se ek baat nikal aati hai,
Kab hogi apse mulakat,
Ye Soch kar sari rat nikal jati hai.

> Kuchh khubsurat sath chhuta nahi karte,
Waqt ki dali se lamhe rutha nahi karte,
Milte hai kuchh log aise zindgi me,
Jinse rishte kabhi tuta nahi karte.

> Dil hi dil se dil ki baat ho jayegi,
Aaine me dekho khud ko humse baat ho jayegi,
Shikwa na kijiye humse milne ka,
Aankhe band kariye humse mulakat ho jayegi.

> Jab achanak unki yaad aati hai,
Dil me dhimi si dhadkan ruk jati hai,
Itni khubsurat hai unki aankhe,
Ki unse nazar milte hi humari nazar jhuk jati hai.

> Kabhi dil se muskura kar dekhiye,
Humari gajal gunguna kar dekhiye,
Hum bhul jayenge aapko ek shart par,
Pahle aap hume bhula kar dekhiye.

> Waqt dar waqt ek ehsas rakhna,
Lamha har lamha ye aas rakhna,
Bhula na sakenge hum kabhi aapko,
Lekin aap bhi humari yaaden apne paas rakhna.

> Hum khamosh the to majboor samajh liya,
Chup rahe to gurur samajh liya,
Bas yahi galati ho gayi ki humne kuchh din yaad nahi kiya,
Aur aapne hume apne se door samajh liya.

> Koi-Koi shakhs itna khas hota hai,
Nazro se door par yadon ke pas hota hai,
Kabhi-2 hi aata hai paigam unka,
Par Paigam me apne pan ka ehsas hota hai.